Wer will das nid? Wohna, wo anderi Feria machend. Doch kunnt au würklich Feriafeeling uf? Miar hend dr Max gfrogt: Er hett nämlich für a paar Mönet in sinem Wohnwaga ufam Campingplatz und denn im Hotel gwohnt.
Thu Dec 30, 2021
20 : 28 min
Folg 13: Eltara und Gschwüsterti als Mitbewohner:inna
Dihai ischs doch am schönsta. Oder wia seit ma so schön? Dia Wucha redend miar mit am Nico über ds Wohna mit da Eltara und da Gschwüsterti. D Vorteil und Herusforderiga darvo.
Fri Dec 17, 2021
0 : 00 min
Folg 12: A nochhaltigi Tour durch d Wohnig
Simmer mol ehrlich! Miar alli könntend umweltfründlicher leba. Aber wia? Und vor allem wo fangt ma am besta ah? Miar hend mit dar Gschäftsfüahrerin vum unverpakt Lada „Obaaba“ in Chur gredet und sie het einigi Tipps parat.
Fri Oct 29, 2021
24 : 30 min
Folg 11: Weisheita us zehn Johr WG-Erfahrig
Könnd iar eu vorstella, zum über zehn Johr in WG’s ds wohna? Für üsa ersti Gast noch dr Summerpausa sind WG’s sini Wohnform sit a huufa Johr. Dr Corsin verzellt üs lustigi WG-Anekdota und git Tipps, was er noch zehn Johr Erfahrig hüt andersch macha würd.
Fri Oct 15, 2021
25 : 05 min
Folg 10: Froga über Froga & Tschüss
Vu Agwohnheita, wo ma vu da Eltera übernoh het, bis zum Thema Schuah wäscha. Miar beantworten ir 10. Folg eueri Froga rund um d Thema Wohna, Podcasta und Studiera. Und verabschidend üs mit derra Folg in d’Summerpausa – tschüss!
Fri Jun 11, 2021
27 : 06 min
Folg 9: Lerna, lerna, Wisswii trinka
Es isch bald ds Endi vum Semester und das heisst vor allem eis: Lernphasa. Miar redend hüt wider amol ds zweita über üsi ersti Lernphasa, wo komplett dahai stattgfunda hett und was das Semester abiz anders si wird. Usserdem hend miar verschideni Lüt noch ihrna Lerntips gfrogt. Das alles in dr zweitletschta Folg vu No. 46 in dem Semester.
Fri Jun 4, 2021
0 : 00 min
Folg 8: A WG ds Bsuach ir WG
Hüt hend miar zwei Gäst ds Bsuach. Dr Manuel und dar Thomas hend sich kum kennt und sich extrem spontan darzua entschida, a WG ds gründa. Miar verglichend üsers WG-Leba, redend über ds intensiva Kennalerna im Homeschooling und dar Thomas klärt uf, was „Schlunde“ isch.
Fri May 28, 2021
26 : 18 min
Folg 7: Früahligsputz und Balkonia
Besser spot als nia: Miar hend dr Früahligsputz gmacht und endlich üserem Balkon as Upgrade geh. In dera Folg ghörender Tipps zum Putza, Vogelgezwitscher und warum miar kurzfristig umzoga sind.
Fri May 21, 2021
18 : 24 min
Folg 6: Ds Päärli
In dr sechsta Folg vu No. 46 hend miar as Paar z’Gast. Miar redend mit ihna über d’Ämtliteilig, ihri Istellig zum Zemawohna, ihri gsund Ernährig und warum sie bald nüma nur ds zweita sind (Spoiler: sie erwartend keis Kind!).
Fri May 14, 2021
26 : 20 min
Folg 5: D’Sach mit da Nochbuura
In dera Folg widmemer üs voll und ganz üsna Nochbuura. Verschideni Lüt verzellend vu ihrna Nochbuurschafts-Erfahriga, zum Bispiel d Liidaschaft, wo ma durch d’Decki ghört. Im No. 46 ghörend miar zwor nid d’Lidaschaft, aber regelmässig dia alti Holzstäga.
Fri May 7, 2021
0 : 00 min
We use cookies to ensure that we give users the best experience on our site. By using this website, you agree to our use of cookies.